Nuevu episodiu ximielgueru, que entamamos a ritmu de siete pulgaes con un single de Carl Bert & The Cimarons.
Pa siguir sintimos un par de cancios del nuevu trabayu de Dub Libitum un EP entitulau "Libitum World" y tornamos a los clásicos con dos temarracos de los Mighty Diamonds como homenaxe (col que continuamos la selmana que vien) a los recientemente fallecíos Tabby y Bunny Diamond.
Too ello enantes del platu fuerte d'esti episodiu que ye la charra con Xune vocalista de Dixebra col que repasamos la historia de la banda y d'Asturies, amás de tastiar y destripar el nuevu trabayu de la banda, un discu-llibru col titulu "Ente la niebla".
Y pa finar, sintimos dos grandes combinaciones, la de Raggatack con George Palmer y la de Derrick Sound con Tony Curtis y Jigsy King mentantu informamos de los eventos d'esti fin de selmana.