Esti martes entamemos enmendando la picia de la selmana pasada y por fín pusimos el tema de Lloyd and The Groovers y tamién tuvimos sintiendo otros temazos de foundation del sellu Fruit Records (Winds of Matterhorn y Cosmic Shuffing). Na estaya "versiones, remezcles y otres milongues", esfrutamos de la banda The Red Stripes en direutu.
Y pa siguir y hasta el final del programa cuntamos como convidau con Xurde Llano, col que falamos de la so hestoria ciclista y de los proyeutos nos que participa anguaño, La Escuela del Club Ciclista Colloto, la BiciEscuela y El Camín rutes guiaes. Tamién nos da tiempu a esfrutar de la so esbilla en vinilu onde sentimos ska, soul, roots reggae y punk, amás de charrar del ascensu del UCCeares, denunciar la situación en Colombia y mandar munchu puxu pal pueblu colombianu.
