Primer episodiu de la quinta temporada ximielguera. Entamamos el capitulu con 2 LP's en vinilu, ún de Laurel Aitken y otru de la North East Ska Jazz Orchestra.
Esti programa dedicamoslu a facer alcordanza de lo acontecío nel branu, asina charramos de los saraos en Xagó Surf Co. onde esfrutamos de los Rootskank, Fred Warrior, Irie Nanara, The Paisanians, Twin Dread, Revolutionary Brothers y King Konsul.
Tamién de la folixa Xixón Reggae Nights qu'entamamos n'Agostu con Heartical, Miss Antropia, Pablo Testa y Stoneman.
Pa finar el repasu estival, tamién rememoramos otros contubernios nos que tuvimos como Outernational Vibes, Artaero Rap (La Bañeza), conciertu de Les Testarudes en Navarra y faciendo especial hincapié nel nuesu pasu pol Reggaeboa Festival, onde charremos con Payoh Soul Rebel, Rude Teo (Luv Messenger), Natty Bo y Diego de Ital Storm Sound System.