Nel terrén musical, entamamos repasando la carrera de Lesley Kong y los sos sellos Beverlies y Pyramid con cancios de xente como Desmond Dekker, Toots and The Maytals, Robert Marley o Jimmy Cliff.
Y aprovechando'l tantu, tamién comentamos un poco alrodiu del sobrín de Lesley, el infatigable, I Kong, col que enganchamos coles novedubes.
En cuanto a lo más fresco del reggae, ponemos una de I Kong xunto a Max Romeo y 18th Paralllel Band, tamién tenemos tiempu a sentir a Vivian Jones col sellu Mellow Vibes y una Live Track de Yugo Taguchi y Longfingah xunto a Babbom Prophecy.
Y pa pesllar esti especial chinu-xamaicano, entamamos a falar d'un de los fundadores de Channel One Studios Joseph "Jojo" Hoo Kim, sellu del cual sintimos hits de John Holt, Ranking Trevor & The Jays y Barry Brown.