Y siguiendo coles 33 revoluciones, aprovechamos pa tastiar otru clásicu de un compilatoriu de Joe Gibbs y Errol Thompson con una vocal de Bobby Melody.
Ya subiendo a les 45 revoluciones, facemos alcordanza de la folixa qu'entamaba Bassturias Colective nel chiringuito Magic Woods con un canciu del sellu Trojan y otru de High Note.
Informamos de la segunda confirmación pal I Alcuentru Reggae Radio Xixón y pinchamos la cabera novedub del master Raggatack atopando a Cookah P.
Y el platu fuerte d'esti programa, la entrevista y el ximielgu en comuña col cantante y soundman asturianu Fred Warrior, col que falamos de la so relación cola música xamaicana y col capoeira, de Allanai Crew, de Equilibrio Perfecto y del so estrenu con Fat Bird Recordings, el canciu "Boring". Y como non ximielgamos colos temas que esbilló pal programa.
Pa finar, una sorpresa y novedub de la estalla Versiones, remezcles y otres milongues, de la mano de Dubamix atopando a Dubioza Kolektiv con un clasicazu popular remozicau.