Ximiélgalo Radio Show - Episodiu 32 con Faba Phanti I

Nel ximiélgalo d'esti martes, siguiendo'l vezu d'entamar con vinilos tuvimos tastiando un canciu d'Alpheus con Roberto Sanchez dedicáu a la afición del UC Ceares, tamién sintimos un 7 pulgaes poles dos cares del sellu Skanking Society, tamién mezcláu pol maestru, ya interpretáu pola banda 18th paralel. 

Y pa finar cola esbilla a 45 revoluciones, un homenaxe a Robbie Shakespeare, de Sly and Robby con un hit del sellu Channel One, y producíu por estos dos xigantes de la reggae music. 

 Y enantes de pesllar esti penúltimu ximiélgalo del añu, el caberu convidáu de la temporada, que nun ye otru que'l selector asturianu Faba Phanti I y la so esbilla baillona y cañera, enllena de roots & dub de nuevu cuñu con dalgún clásicu.