Primer capítulu de la sexta temporada del programa y pa ello facemoslo a lo grande con un episodiu doble enmarcau nel maratón pol 40 cabudañu de Radio Kras.
Nesta primer parte como ye de vezu entamamos a guelpe de vinilos clásicos y sintimos singles de Clancy Eccles, Pyramids, The Meditations y Freddie Mckay. Amás aprovechamos pa cuntar eventos a los que asistimos esti branu, como el Terraseta Reggae Festival (Lleida), o el Tremeterra Festival (Galiza), cuya crónica acompañamos de un tune de 10.000 Lions.
Aprovechamos la folixa entamada en Xagó surf co. onde falemos con Heartical Sound que presentanos el so caberu one riddim "I'm a Revolutionist" del que sintimos tolos cortes planchaos en vinilo, amás del so caberu release cola versión orquestal de "Fade Away".
Pa finar esta primer parte del programa introducimos una nueva collaboración pa esta temporada conducida pola gran Estela Dosederrite que encamientavos a ver la serie This Town al son de la BSO de la mesma.