Nesti capitulu tornamos a tiranos al estilu orixinal, entamando cola continuación del repasu al LP "Laurel Aitken says fire" y entamando a desgranar el EP "Rise & Shine" de tributu a Stare Mccallum.
Pa siguir tiramos d'axenda, promocionando el XV aniversariu del programa euskaldun Reggae Fever que va a celebrase en Bilbo esti sabadu colos conciertos de Boss Capone & Patsy y The Pioneers. Y tamién col programa que tenemos preparau pal 26 d'ochobre cola xornada "N'alcordanza de Toots" que entamamos xunto a Ovejas Negrax.
Y si tamos funcionando al estilu orixinal nun puen faltar les estayes ximielgueres, como "Version Diversion" de Caveman, na que sintimos dalgunes versiones del "Aint No Love".
La parte final del episodiu arrancamosla con una novedub de Skabidean (con collaboración de Banda Bassoti na que aprovechamos pa anunciavos el conciertu de los italianos montau por Mieres en Llucha xunto a Skontra y Ochobre). Y continuamosla con música de Cool Up Records, Payoh Soul Rebel, Paulinho, Danubian Sound System, Tom Spirals, Lone Ark y Nazembe.