Dempués d'esto, momentu pal segundu volumen de los nuesos especiales sobre Orange Street, la Cai del Ritmu.
Pa ello, entamamos falando de dalgunos de los personaxes que nos 50 y los 60 vendíen discos nesi puntu de Kingston y continuamos con una curiosidá de Pama Records, too ello al son de Glen Addams, Lester Sterling, Derrick Morgan y Ebony Sisters.
Pa siguir na cai musical por escelencia de Kingston, Caveman repasa la carrera del productor Niney The Observer con temazos propios alrodiau de figures como Keeling Beckford, Max Romeo, The Heptones o Dennis Brrown.
Y pa rematar esti especial, otru imprescindible de Orange Street, el enorme Winston Riley col que ximielgamos con cortes de The Techniques, Augustus Pablo o Frankie Paul.
Y apurando cada segundu, enantes de pesllar el programa, aprovechamos pa repasar la reggaeaxenda y pa sintir novedaes de The Goliards Collective xunto a Carl Dawkings y de Roots Raid con Nina Girassois.